Udazkeneko arratsalde euritsuak eta neguko gau hotzak ezin hobeak dira manta bat hartu eta liburu on batekin amets egiteko. Gure katalogo berrian, Gabon-giroa eta urtaro honetako berotasuna ekarri nahi dizkiegu etxeko txiki zein gazteei:

• 12 hilabetetik aurrera: Txikienek Lanerako prest! liburuarekin ekingo diote lanbideak ezagutzeari.
• 2 urtetik aurrera: Udazkeneko ikasturte hasierarako Ongi etorri eskolara, Azeri Txiki! daukagu, eta Otso basatiaren musuak txotxongilo-liburu jostagarria, elkarrekin ondo pasatzeko. Gainera, Gabonetako sasoi magikoa gerturatzen ari denez, Gabon doinuak liburuko soinuek haur txikien belarriak goxatuko dituzte. Eguberri on, Azeri Txiki! ipuinak ere etxea apaintzeko eta Gabonak ospatzeko doinuak ekartzen dizkigu.
• 3 urtetik aurrera: Arratsalde goxoetarako, Txanogorritxu eta Hiru txerrikumeak ipuin ezagunak fitxa mugigarriekin jolasteko dakartzagu. Ipuin klasikoen artean, Danbolintxo eta Erpurutxo ere aurkituko dituzte. Gau ilunetarako, Afaltzera munstroak! akordeoi-liburu harrigarriak munstroen lurraldeko errezetak erakutsiko dizkigu; ezin hobeak Gau Beltzaren festan gozatzeko.
• 4 urtetik aurrera: Neguko gauetan entzuten ditugun hotsekin jolasteko, Basoko banda errimadun ipuina daukagu. Halaber, Arlo eta belea album hunkigarriak lagun on batek bizitza zenbat aberasten digun gogoraraziko digu.
• 5 urtetik aurrera: Udazkeneko ibilaldiak maite dituztenentzat, Sagua mendira doa ezin hobea da mendian bizi diren animalien babeslekuak ezagutzeko. Detektibe-sen zorrotza dutenek Sherlock Shator eta txita bitxiak liburuarekin gozatuko dute. Gainera, etxean goxo egoteko, Sukaldaritza liburuak informazio ugari eskaintzen die jakin-min handiko irakurleei.
• 7 urtetik aurrera: Abentura eta magia garaia da! Irakurleek "Maindi Maitagarri" bildumako Lehen magia ikasgaia liburuarekin eta "Xeherlock detektibea" bildumako Xantaia Katuccinien bandan liburuarekin gozatuko dute. Komiki zaleentzat, Tripontziren etxe berria eta Aurora eta orkoa bildumako Ikasle berria argitaratu ditugu.
• 7-8 urtetik aurrera: Neguko gau luzeetan sutondoan ipuinak kontatzeko tradizioari jarraiki, Mitoka euskal mitologiaren bilduma berriak Mari, Galtzagorriak eta Laminak kondairak dakartza.
• 8 urtetik aurrera: Xele eta Xuri, bi lagun bidaiari liburuak abenturazale ausartak gonbidatuko ditu munduan zehar hegan egitera.

Liburu on batek neguko hotza epeltzen duelako, murgildu istorio berrietan eta... Irakurriz bizi!