Ibaizabalek jauzi kualitatiboa eman nahi du hezkuntzan Kuxkuxean proiektuarekin. Ekimen hau Haur Hezkuntzaren eta Lehen Hezkuntzaren arteko zubiak eraikitzeko diseinatu da, haurren berezko jakin-mina piztuz eta ikaskuntza esanguratsu nahiz integrala sustatuz. Proiektuaren muina haurrei imajinatzen, pentsatzen eta galdetzen laguntzea da, edozer gaik (xumeena nahiz bitxiena izan) haien barne iparrorratza aktiba dezakeela sinetsita.

Proiektuaren 6 gako nagusiak
Irakaslearen eguneroko lana errazteko eta ikasleen autonomia bultzatzeko, proiektua funtsezko 6 gako hauetan oinarritzen da:

• Irisgarritasuna: Diseinu xumeak, oztoporik gabeak eta tipografia argia (azterketa zientifikoetan oinarritua), arreta jartzea erraza izan dadin.
• Ulermena: Irakurtzeko trebetasunak apurka-apurka bereganatzeko bidea ematen du, hasieran irakurtzen ikasiz eta, ondoren, irakurketaren bidez mundu berriak deskubrituz eta ikasiz.
• Motibazioa: Emozioa da motorra. Hasierako egoera hurbilekin eta ikuspegi ludikoarekin, ikasteko gogoa indartzen da.
• Ongizatea: Ikasgelan ingurune seguru eta konfiantzazkoa sortzen da, tratu onak eta bizikidetza lanaren abiapuntutzat hartuta.
• Ebaluazioa eta feedbacka: Ebaluazioa prozesuaren hainbat unetan txertatzen da (hasierako, sarrerako eta irteerako tiketak), ikaskuntza prozesua hobetzeko tresna gisa.
• Askotariko mailak: Helmugara iristeko bide ugari eskaintzen dira (material manipulagarria, azken produktu hautagarriak), ikasle bakoitzak bere erritmoan aurrera egin dezan.

Landutako arloak eta baliabideak
Proposamenak arlo ezberdinen arteko lotura tematikoak eta harreman egituratzailea sustatzen ditu ikas egoeretan. Lantzen diren eremuak hauek dira: Euskara eta Literatura, Lengua Castellana y Literatura, Matematika, Ingurunearen Ezagutza eta Hezkuntza Plastikoa eta Ikusizkoa.

Informazio gehiago nahi baduzu edo zure ikastetxerako laginak eskatu nahi badituzu, bisitatu Ibaizabal Kuxkuxean eta jarri harremanetan gure aholkulari komertzialekin. 

Kuxkuxean hasteko prest?