Uda iristen denean, beste era batera ikasten jarraitzeko aukera ere iristen da.
Oporretako planak proposamen zoragarria da neska-mutilek oporrez goza dezaten jolasaren, irakurketaren eta sormenaren bidez funtsezko gaitasunak indartzen dituzten bitartean. Pantailarik gabe, eta familian partekatzeko diseinatutako jarduerekin, material hauek edozein txoko hezkuntza arloko abentura txiki bihurtuko dute.

Oporretako planak Lehen Hezkuntzarako pentsatutako koadernoen bilduma da. Koaderno bakoitza ihesaldi mota bati buruzkoa da: hiria, kanpaldia, autokarabana, itsasontzia, trena eta motxila gainean duzula egindako oporrak.

Haurrek arreta, memoria eta pentsamendu malgua entrenatuko dituzte era askotako denbora-pasen bidez: labirintoak, mandalak, errezetak edo esperimentuak, adibidez. Hori guztia ikuspegi ludikoarekin eta konpainian ondo pasatu ahal izateko jasotzen duen mahai jokoarekin. Gainera, koadernoaren amaieran, ikasi eta bizi izan duten horren inguruko gogoeta egin ahal izango dute.

Sormena sustatzeko, ingurunea arakatzeko, lasaitasuna bultzatzeko eta lengoaia guztien boterea ezagutzeko esperientziak eskaintzen dituzte. Eta hona hemen onena: pantailarik gabe, edozein tokitan eta edozein erritmotan.

Uda honetan, Ibaizabalek denbora libreaz gozatzera gonbidatuko zaitu dibertsioa, ikasketa eta partekatutako jolasa bateratzen dituzten proposamenekin. Izan ere, ikastea abentura ere izan daiteke.

Eragin buruari eta bikain pasatu!