2024ko udaberriko nobedadeak

Behin batean, bazen... Gea herensugea istorio bat kontatu nahian dabil, baina burrunba handia dago eta ez zaio ezer ongi ateratzen! Ai, ai, ai... Horrela jarraituz gero, sekulako kasketaldia izango dugu.

Igo zaitez autoan, eta ireki leihoa, biratu bolantea, garbitu haizetakoa... BRRRUM, BRRUM! PIIII, PIIII

Misterio handia da umetxo baten jaiotza! Baina amaren sabelean txiki-txikia zena handitu egingo da… Eta zer gertatuko da orduan? Nola banatuko dute gurasoek maitasuna?

Luka dut izena eta nire laguna Utx da. Asko gustatzen zait aitona-amonekin egun batzuk pasatzera joatea, etxean debekatuta ditudan gauza guztiak egiten uzten didatelako. Eta zerrenda oooooso luzea da. Horretarako dira aitona-amonak, munduko tontokeria guztiak egiten uzteko!

Eguna joan eta eguna etorri, Basilik ikaskideren bati eraso egiten dio jolastokian. Inor ez da ausartzen aurre egiten. Halako batean, ordea, ikasle berri bat iritsi da, eta Basilik burla egin dionean, begietara zuzen-zuzen begira, erantzun egin dio: ETA ZER?

Shaka mutikoak eta haren lagunek igerilari handiak izan nahi dute Tokioko Joko Olinpikoetan irabazteko, 1964an. Horregatik jo eta ke entrenatzen dute Ibai Gorriko uretan.

Hona hemen munstro izugarri normal eta arrunt baten istorioa. Albaceten bizi da, hango negu hotzak asko gustatzen zaizkiolako. Udan berorik egingo ez balu... Antartikan pentsatu ere ez zuen egingo.

Orion haurrari beldurra ematen diote liztorrek, munstroek, txabolek, ekaitzek, txakurrek, armiarmek, eta altuerak, baina beldur handiena ematen diona zerta da... ILUNTASUNA!

Nola lortu zuen bere argia ipurtargiak? Zergatik ditu zebrak marrak? Zein da arrain hegalariak hegan egitearen arrazoia? Zein momentutan hasi zen txakurra hezurrak lurperatzen? Nola sortu zen oilarraren gandorra? Nola lortu zuen barraskiloak bere etxea? 

Sagua ibaian behera abiatu da lagun bati bisita egiteko asmoz, eta, patxada osoz arraunean dabilela, zenbait habitat ikusiko ditu helmugara iritsi bitartean. Animatzen al zara zu ere?

Oso gaztea izan arren, Sherlock Shator gai da edozein misterio argitzeko, batez ere lagunen laguntzarekin. Baina oraingoan, jolasean dabiltzala, Unax untxia kobazulo ilun eta arriskutsu batean desagertu zaie. Non egongo ote da? Hau larrialdia, hau estutasuna!

Harrikoskortarrek partida erabakigarria izango dute Epikon, planetarik magikoenean. Truko guztiak dakizkien sorgin eta azti talde bati aurre egingo diote eta, gainera, euren adiskidetasuna probatuko duen borroka egin beharko dute. Nork izan behar du taldeburu berria?