X

Webgune honek cookieak erabiltzen ditu. Nabigatzen jarraituta Cookieak erabiltzeko gure politika onartuko duzu. Ados nago

Haurrentzako Literatura

6 urtetik aurrera

Maren eta azeria
Produktu berria

Maren eta azeria

Bilduma: GARALAR-MARALAR

ISBN: 9788491069256
Kodea: 172277

Salneurria
10,15 €

Agregar item al pedido
Gaia: Maren eta Aiert Joanes artzainarekin elkartu dira Aralarren. Joanesen eskutik Aralarreko naturaren edertasuna eta handitasuna hobeto ezagutzeko aukera izango dugu.
 
Girotzea: Gaur egun, Aralarren.
 
Bildumaren inguruko informazioa:
Bilduma honek lau liburu ditu: Goliat eta izarrak; Joanes eta kanpaiak; Aiert eta herensugea eta Maren eta azeria.
 
Aralar mendilerro handia, Aralar mendikate zabala ezin da liburu batean sartu. Baina ipuinotan barneratzen bazara, mendi bat baino gehiago mundu bat deskubrituko duzu: itsaso zaharrak eta glaziarrak, leizezuloak eta amildegiak, pertsonaia harrigarriak eta animalia interesgarriak. Aralar zarela sentituko duzu, Aralar garela. Ausartu, ahoskatu hitz magikoak, eta sartu... Garalar-maralar!
 
Laburpena:
Maren eta Aiert oporretan joan dira Oiduiko txabolara. Ardiak eta arkumeak lagun. Azeriaren begiradapean. San Joan bezperetan, sua sentituko dute barrenean. Eta uraren hotza. Eta behingoz pintore itsuaren ipuina nola amaitzen den ezagutuko dute. Baina haiena ez da amaitu, hasi besterik ez da egin…
 
Egilearen datuak
 
PATXI ZUBIZARRETA Ordizian jaio zen 1964an. Euskal Filologia ikasketak Gasteizen amaitu zituen eta bertan bizi da harrezkero. Haur eta Gazte literaturan aritu izan da. Alabaina, helduen literaturan eta itzulpengintzan ere jarduna da. Aspaldian, handia da musika eta literatura uztartzeko egin duen ahalegina (Hamar mezu eta dei bat, 28 letra eta 7 nota munduari itzulia egiteko, Zikoinaren hegaldia, eta abar).
 
Ibaizabalen argitaratutako tituluak hauek dira: Lapurrak zooan (Oker, 5. zk. ); Hiru lagun (Paper Txoriak Sail Urdina, 5. zk.); Xia Tenzinen bidaia miresgarria (Paper Txoriak Sail Urdina, 14. zk.), liburu honekin 2009an Ala Delta Saria irabazi zuen eta 2010ean Euskadi Saria; Beroki gorria (Albuma), liburu honekin 2016ko Peru Abarka saria irabazi zuen. Korri, Kuru, korri! (Paper Txoriak Sail Urdina, 23. zk.), liburu honekin 2018an Ala Delta Saria irabazi zuen eta 2019ean Euskadi Saria.
 
Marrazkilariaren datuak
 
JOKIN MITXELENA Donostian (Gipuzkoa) 1962an jaio zen, eta umetan bertan eta Oiartzunen bizi izan zen. Arte Ederrak ikasi zituen Bilbon eta bi arlotan egin du lan: batetik, irakaskuntzan eta, bestetik, haur eta gazte literaturako liburuak eta testu liburuak ilustratzen. Liburuok mundu osoko argitaletxeek argitaratu dituzte. 80ko hamarkadaren erdialdean egin zituen lehenengo lanak ilustrazioaren arloan; irakaskuntzan zebilenean ere sarritan egiten zuen lan euskarazko literaturako argitalpenetarako. 1995. urtean utzi zuen irakaskuntza, Alemaniara joan zenean, hain zuzen ere. Harrezkero, ilustraziora zuzenduta dago bere lan guztia.
 
Ibaizabalen honako liburu hauek ilustratu ditu: Iluntzero elkarrekin, Josu Penades (Gaztaro); Ondarroako piratak, Ana Urkiza (Gaztetxo!); Ondarroako piraten abentura berriak, Ana Urkiza (Gaztetxo!); Lapurrak zooan, Patxi Zubizarreta (Oker); Haizeak hitz, hitzak haize, Antton Kazabon (Matxinsalto).
 
Irudigileari buruz gehiago jakiteko >>>sakatu HEMEN<<<.
 
Nabarmentzeko alderdiak:
• Koloretako ilustrazio ederrak testua laguntzera eta osatzera datoz.
• Naturarekiko ezagutza, miresmena.
 
Sustatzen diren balioak:
Adiskidetasuna / Jakin-mina / Naturarekiko errespetua / Ingurumenaren zaintza.
 
Ezaguera arloak: Euskara eta Literatura, Balioak, Naturaren Zientziak.
 
Hizkuntza: Euskara Batua.
Egilea: Patxi Zubizarreta.
Marrazkilaria: Jokin Mitxelena.
Marrazkiak: Kolorez.
Koadernaketa: Rustika.
Formatua: 210 x 210 mm.
Orrialdeak: 24.
Zenbakia bilduman: 4.
Adina: 6 urtetik aurrera.